బి.డి.జట్టి (B.D.Jatti)

బి.డి.జట్టి జననం సెప్టెంబరు 10, 1912 స్వస్థలం సవాల్గి (కర్ణాటక) పదవులు ముఖ్యమంత్రి, గవర్నరు, ఉప రాష్ట్రపతి, తాత్కాలిక రాష్ట్రపతి, మరణం జూన్ 7, 2002 ముఖ్యమంత్రిగా, గవర్నరుగా, ఉప రాష్ట్రపతిగా తాత్కాలిక రాష్ట్రపతిగా పనిచేసిన బి.డి.జట్టి సెప్టెంబరు 10, 1912న కర్ణాటకలోని భాగల్‌కోట్ జిల్లా సవాల్గిలో జన్మించారు. ఇతని పూర్తిపేరు బసప్ప దానప్ప జట్టి. కొల్హాపూర్ విశ్వవిద్యాలయం నుంచి న్యాయవాద పట్టా పొంది కొంతకాలం లా ప్రాక్టీసు చేశారు. ఆ తర్వాత రాజకీయాలలో ప్రవేశించారు. పలు ఉన్నత రాజ్యాంగ పదవులు నిర్వహించి జూన్ 7, 2002న బి.డి.జట్టి మరణించారు. రాజకీయ ప్రస్థానం: 1940లో జాంఖండి పురపాలక సంఘం వార్డు సభ్యుడిగా రాజకీయ ప్రస్థానం ఆరంభించిన జట్టి 1945లో పురపాలక సంఘం చైర్మెన్ అయ్యారు. ఆ తర్వాత జాంఖండి నుంచే శాసనసభకు ఎన్నికయ్యారు. తదనంతరం జాంఖండి రాష్ట్ర దీవాన్ (ముఖ్యమంత్రి) అయ్యారు. జాంఖండి ముంబాయి రాష్ట్రంలో విలీనం కావడంతో కొంతకాలానికే ఇతను ముంబాయి ముఖ్యమంత్రి పదవి కూడా దక్కించుకున్నారు. రాష్ట్రాల పునర్విభజన అనంతరం మైసూరు రాష్ట్ర శాసనసభలో ప్రవేశించి ఎస్.నిజలింగప్ప తర్వాత మైసూరు ముఖ్యమంత్రి పదవి పొందారు. 1968లో జట్టి పాండిచ్చేరి లెఫ్టినెంట్ గవర్నరుగా, 1972లో ఒరిస్సా (ఒడిషా) గవర్నరుగా భాధ్యతలు చేపట్టారు. 1974లో భారతదేశ 5వ ఉప రాష్ట్రపతిగా ఎన్నికయ్యారు. ఉప రాష్ట్రపతిగా ఉన్న కాలంలో అప్పటి రాష్ట్రపతి ఫక్రుద్దీన్ అలీ అహ్మద్ మరణించడంతో ఫిబ్రవరి 1977లో తాత్కాలిక రాష్ట్రపతిగా భాధ్యతలు స్వీకరించి జూలై 1977లో నీలం సంజీవరెడ్డి రాష్ట్రపతిగా ఎన్నికయ్యే వరకు పనిచేశారు.  ఇవి కూడా చూడండి: కర్ణాటక రాష్ట్ర ప్రముఖులు, భారతదేశ ఉపరాష్ట్రపతులు, కర్ణాటక ముఖ్యమంత్రులు, విభాగాలు: కర్ణాటక రాజకీయ నాయకులు, కర్ణాటక ముఖ్యమంత్రులు, గవర్నర్లు, ఉపరాష్ట్రపతులు, రాష్ట్రపతులు, 1912లో జన్మించినవారు, 2002లో మరణించినవారు,  = = = = =