పాలేరు అసెంబ్లీ నియోజకవర్గం (Paleru Assembly Constituency)

పాలేరు అసెంబ్లీ నియోజకవర్గం ఖమ్మం జిల్లాకు చెందిన 10 అసెంబ్లీ నియోజకవర్గాలలో ఒకటి. 2009 నాటి నియోజకవర్గాల పునర్విభజన ప్రకారం ఈ నియోజకవర్గంలో 4మండలాలున్నాయి. ఈ అసెంబ్లీ సెగ్మెంట్ ఖమ్మం లోకసభ నియోజకవర్గంలో భాగంగా ఉన్నది. నియోజకవర్గ పరిధిలోని మండలాలు: 2009 నియోజకవర్గాల పునర్విభజన అనంతరం ఈ నియోజకవర్గం పరిధిలో 4 మండలాలు కలవు. తిరుమలాయపాలెం కూసుమంచి ఖమ్మం (గ్రామీణ) నేలకొండపల్లి సంవత్సరం గెలుపొందిన సభ్యుడు పార్టీ ప్రత్యర్థి ప్రత్యర్థి పార్టీ 2009 రామిరెడ్డి వెంకటరెడ్డి కాంగ్రెస్ పార్టీ తమ్మినేని వీరభద్రం సీపీఎం పార్టీ 2014 రామిరెడ్డి వెంకట్ రెడ్డి కాంగ్రెస్ పార్టీ స్వర్ణకుమారి తెలుగుదేశం పార్టీ 2016* తుమ్మల నాగేశ్వరరావు తెరాస సుచరితారెడ్డి కాంగ్రెస్ పార్టీ 2018 కందాళ ఉపేందర్ రెడ్డి కాంగ్రెస్ పార్టీ తుమ్మల నాగేశ్వరరావు తెరాస 2009 ఎన్నికలు: 2009 శాసనసభ ఎన్నికలలో ఈ నియోజకవర్గం నుంచి కాంగ్రెస్ పార్టీ అభ్యర్థి, సుజాతానగర్ సిటింగ్ ఎమ్మల్యే రామిరెడ్డి వెంకటరెడ్డి తన సమీప ప్రత్యర్థి, సీపీఎం పార్టీ అభ్యర్థి తమ్మినేని వీరభద్రంపై 5666 ఓట్ల మెజారిటితో విజయం సాధించారు. ప్రజారాజ్యం పార్టీ తరఫున రాయ నాగేశ్వరరావు పోటీచేశారు. 2014 ఎన్నికలు: 2014 ఎన్నికలలో ఇక్కడి నుంచి కాంగ్రెస్ పార్టీకి చెందిన సిటింగ్ ఎమ్మెల్యే రాంరెడ్డి వెంకటరెడ్డి తన సమీప ప్రత్యర్థి, తెలుగుదేశం అభ్యర్థి అయిన స్వర్ణకుమారిపై 21600 ఓట్ల ఆధిక్యతతో విజయం సాధించారు. మార్చి 6, 2016న రాంరెడ్డి వెంకటరెడ్డి మరణించారు. 2016 ఉప ఎన్నికలు: 2014లో విజయం సాధించిన రాంరెడ్డి వెంకటరెడ్డి మరణించడంతో 2016 మేలో ఉప ఎన్నికల జరిగింది. ఈ ఉప ఎన్నికలో రాష్ట్ర మంత్రి, తెలంగాణ రాష్ట్ర సమితికి చెందిన తుమ్మల నాగేశ్వరరావు తన సమీప ప్రత్యర్థి కాంగ్రెస్ పార్టీకి చెందిన సుచరితారెడ్డిపై 45682 ఓట్ల భారీ మెజారిటీతో విజయం సాధించారు. మాజీమంత్రి రాంరెడ్డి వెంకటరెడ్డి భార్య సుచరితారెడ్డికి ఈ ఎన్నికలలో వామపక్షాలు కూడా మద్దతు ప్రకటించిననూ, సానుభూతి ఉన్ననూ 49వేల ఓట్లు మాత్రమే రాగా, విజయం సాధించిన తుమ్మలకు సుమారు 95 వేల ఓట్లు లభించాయి. 2018 ఎన్నికలు: 2018 ఎన్నికలలో తెరాస తరఫున తుమ్మల నాగేశ్వరరావు, భాజపా తరఫున కొండపల్లి శ్రీధర్ రెడ్డి, ప్రజాకూటమి తరఫున కాంగ్రెస్ పార్టీకి చెందిన కందాల ఉపేందర్ రెడ్డి పోటీచేశారు. కాంగ్రెస్ పార్టీకి చెందిన కందాళ ఉపేందర్ రెడ్డి తన సమీప ప్రత్యర్థి, తెరాసకు చెందిన తుమ్మల నాగేశ్వరరావు పై 7669 ఓట్ల మెజారిటీతో విజయం సాధించారు. విభాగాలు: ఖమ్మం జిల్లా నియోజకవర్గాలు, ఖమ్మం లోకసభ నియోజకవర్గం, పాలేరు అసెంబ్లీ నియోజకవర్గం,    = = = = =