సుర్జీత్ సింగ్ బర్నాలా (Surjit Singh Barnala)

సుర్జీత్ సింగ్ బర్నాలా జననం అక్టోబరు 21, 1925 రాష్ట్రం పంజాబ్, పదవులు ముఖ్యమంత్రి, గవర్నరు, కేంద్రమంత్రి, మరణం జనవరి 14, 2017 భారతదేశపు ప్రముఖ రాజకీయ నాయకులలో ఒకరైన సుర్జీత్ సింగ్ బర్నాలా అక్టోబరు 21, 1925న పంజాబ్ లోని అటెలిలో జన్మించారు. పంజాబ్ ముఖ్యమంత్రిగా, తమిళనాడు, ఉత్తరాఖండ్, ఆంధ్రప్రదేశ్, అండమాన్ నికోబార్ దీవుల గవర్నరుగా, కేంద్రమంత్రిగా పనిచేశారు. 1942లో క్విట్ ఇండియా ఉద్యమంలోనూ పాల్గొన్నారు. 91 సంవత్సరాల వయస్సులో జనవరి 14, 2017న చండీగఢ్‌లో మరణించారు. రాజకీయ ప్రస్థానం: 1969లో తొలిసారిగా హర్యానా మంత్రివర్గంలో విద్యాశాఖ మంత్రిగా పనిచేశారు. ఈయన హయంలోనే అమృత్‌సర్‌లో గురునానక్ దేవ్ విశ్వవిద్యాలయం స్థాపించబడింది. 1977లో పార్లమెంటుకు ఎన్నికై మురార్జీదేశాయ్ మంత్రివర్గంలో వ్యవసాయ మరియు ఇతర శాఖలను నిర్వహించారు. 1978లో బంగ్లాదేశ్‌తో జరిగిన ఫరక్కా ఒప్పందంపై భారత్ తరఫున బర్మాలా సంతకం చేశారు. 1985-87 కాలంలో పంజాబ్ ముఖ్యమంత్రిగా పనిచేశారు. 1990-91 కాలంలో తమిళనాడు గవర్నరుగా, 1990-93 కాలంలో అండమాన్ నికోబార్ దీవుల లెఫ్టినెంట్ గవర్నరుగా విధులు నిర్వహించారు. 1998లో పార్లమెంటుకు ఎన్నికై వాజపేయి ప్రభుత్వంలో రసాయన & ఎరువుల శాఖ మంత్రిపదవి పొందారు. 2000-03 కాలంలో ఉత్తరాఖండ్ రాష్ట్ర తొలి గవర్నరుగా, 2003-04 కాలంలో ఆంధ్రప్రదేశ్ గవర్నరుగా, అదే సమయంలో కొంతకాలం ఒరిస్సా గవర్నరుగా అదనపు బాధ్యతలు, ఆ తర్వాత 2011 వరకు తమిళనాడు గవర్నరుగా పదవి  నిర్వహించారు. తమిళనాడు గవర్నరుగా ఉన్న కాలంలో పుదుచ్చేరి గవర్నరుగా అదనపు బాధ్యతలు కూడా చేపట్టారు. సుర్జీత్ సింగ్ బర్నాలా జనరల్ నాలెడ్జి హోం, విభాగాలు: 1925లో జన్మించినవారు, 2017లో మరణించినవారు, పంజాబ్ ముఖ్యమంత్రులు, తమిళనాడు గవర్నర్లు, ఆంధ్రప్రదేశ్ గవర్నర్లు, ఉత్తరాఖండ్ గవర్నర్లు, కేంద్రమంత్రులు  = = = = =