నాయిని నరసింహారెడ్డి (Nayini Narsimha Reddy)

నాయిని నరసింహారెడ్డి జననం మే 12, 1940 స్వస్థలం నేరెడిగొమ్ము (నల్గొండ జిల్లా) పదవులు 3 సార్లు ఎమ్మెల్యే, తెలంగాణ రాష్ట్ర మంత్రి, నియోజకవర్గం ముషీరాబాదు అ/ని, మరణం అక్టోబరు 20, 2020 తెలంగాణ ఉద్యమకారుడిగా, రాజకీయ నాయకుడిగా ప్రసిద్ధి చెందిన నాయిని నరసింహారెడ్డి మే 12, 1940న జన్మించారు. నల్గొండ జిల్లా నేరెడుగొమ్ము (చందంపేట మండలం) ఈయన స్వస్థలం. హెచ్చెస్సీ వరకు అభ్యసించిన నరసింహారెడ్డి 1970లలోనే హైదరాబాదుకు వలస వెళ్ళి అక్కడే స్థిరపడ్డారు. హైదరాబాదు మున్సిపల్ కార్మిక సంఘం నేతగా గుర్తింపు పొందారు. హింద్ మజ్దూర్ రాష్ట్ర అధ్యక్షుడిగా ఎన్నికయ్యారు. ముల్కీ ఉద్యమం, జైతెలంగాణ ఉద్యమం, ఎమర్జెన్సీ వ్యతిరేక ఉద్యమం, తెలంగాణ ఉద్యమాలలో చురుకుగా పాల్గొన్నారు. 1978లో తొలిసారి శాసనసభకు ఎన్నికైన నాయిని 2014లో తెలంగాణ రాష్ట్ర తొలి హోంశాఖ మంత్రిగా పదవి పొందారు. అక్టోబరు 20, 2020న హైదరాబాదులో మరణించారు రాజకీయ ప్రస్థానం: కమ్యూనిస్టు, సోషలిస్టు, తెలంగాణ ప్రజాసమితి, జనతా పార్టీ, జనతాదళ్, తెలుగుదేశం, తెరాస,  తదితర పార్టీలలో పనిచేశారు. 1978లో ముషీరాబాదు అసెంబ్లీ నియోజకవర్గం నుంచి జనతాపార్టీ తరఫున పోటీచేసి టంగుటూరి అంజయ్యపై విజయం సాధించి తొలిసారి ఎమ్మెల్యే అయ్యారు. 1985లో రెండోసారి శాసనసభకు ఎన్నికయ్యారు. 2004లో తెరాస తరఫున 3వ సారి విజయం సాధించి వైఎస్సార్ మంత్రివర్గంలో కొంతకాలం పనిచేశారు. 2014 ఎన్నికలలో పోటీచేయకున్ననూ కెసిఆర్ నేతృత్వంలోని తెలంగాణ తొలి మంత్రిమండలిలో హోంశాఖ మంత్రిగా పదవి పొందారు. 2014, జూన్ 20న గవర్నర్ కోటాలో ఎమ్మెల్సీ అయ్యారు. 2018 ఎన్నికల తర్వాత మంత్రివర్గంలో చోటుదక్కలేదు.    ఇవి కూడా చూడండి: చందంపేట మండలం, నల్గొండ జిల్లా ప్రముఖులు, హోం, విభాగాలు: నల్గొండ జిల్లా రాజకీయ నాయకులు, చందంపేట మండలము,  = = = = =