నిజామాబాదు జిల్లా (Nizamabad Dist)

నిజామాబాదు జిల్లా మండలాలు 27 జనాభా (2011) 15,71,022 వైశాల్యం 4288 Sq km రెవెన్యూ డివిజన్లు 3 నిజామాబాదు జిల్లా తెలంగాణ రాష్ట్రంలోని 31 జిల్లాలలో ఒకటి. దేశంలో పొడవైన 44వ నెంబరు జాతీయ రహదారు, నిజామాబాదు- జగదల్‌పూర్ జాతీయ రహదారి, సికింద్రాబాదు- నాందేడ్ రైలుమార్గం జిల్లా గుండా వెళ్ళుచున్నాయి. జిల్లాలో 3 రెవెన్యూ డివిజన్లు, 27 మండలాలు కలవు. శ్రీరాంసాగర్ ప్రాజెక్టు, అలీసాగర్ లాంటి ప్రాజెక్టులు, డిచ్‌పల్లి ఖిల్లారామాలయం, ఇందూరు నీలకంఠేశ్వరాలయం లాంటి అధ్యాత్మిక క్షేత్రాలు జిల్లాలో కలవు. ప్రముఖ రాజకీయ నాయకుడు గడ్డం గంగారెడ్డి, పిసిసి అధ్యక్షులుగా పనిచేసిన ధర్మపురి శ్రీనివాస్, శాసనసభ స్పీకరుగా పనిచేసిన కేతిరెడ్డి సురేష్ రెడ్డి, ప్రముఖ సినీనిర్మాత దిల్‌రాజు, అంతర్జాతీయ హాకీ క్రీడాకారిణి యెండల సౌందర్య ఈ జిల్లాకు చెందినవారు. శ్రీరాంసాగర్ యొక్క లక్ష్మీకాలువ జిల్లా గుండా ప్రవహిస్తోంది. భౌగోళికం, సరిహద్దులు: ఈ జిల్లాకు ఉత్తరాన నిర్మల్ జిల్లా, తూర్పున జగిత్యాల జిల్లా, దక్షిణాన కామారెడ్డి జిల్లా, పశ్చిమాన మహారాష్ట సరిహద్దులుగా ఉన్నాయి. జిల్లా ఉత్తర సరిహద్దు గుండా గోదావరి నది ప్రవహిస్తోంది. చరిత్ర: చరిత్రలో ఈ ప్రాంతం ఇంద్రపురిగా, ఇందూరుగా వ్యవహరించబడింది. క్రీ.పూ 6వ శతాబ్ది నాటి షోడస మహాజనపదాలలో ఒకటైన అశ్మక జనపదం వర్థిల్లిన ప్రాంతంగా ఇది ప్రసిద్ధి చెందింది. ఆధునిక కాలంలో కౌలాస్, సిర్నాపల్లి, దోమకొండ సంస్థానాధీశూలచే పాలించబడిన ప్రాంతమిది. అక్టోబరు 11, 2016న జిల్లాల పునర్వ్యవస్థీకరణ సమయంలో జిల్లా 2 ముక్కలై దక్షిణ భాగం మండలాలతో కొత్తగా కామారెడ్డి జిల్లా అవతరించింది. ప్రస్తుతం జిల్లాలో 27 మండలాలు ఉన్నాయి. ఇవి కూడా చూడండి: నిజామాబాదు జిల్లా మండలాలు, నిజామాబాదు జిల్లా ప్రముఖులు, హోం, విభాగాలు: తెలంగాణ జిల్లాలు, నిజామాబాదు జిల్లా,   = = = = =