సి.లక్ష్మారెడ్డి (C.Laxma Reddy)

సి.లక్ష్మారెడ్డి జననం ఫిబ్రవరి 3, 1962 స్వస్థలం ఆవంచ రంగం రాజకీయాలు పదవులు 2 సార్లు ఎమ్మెల్యే, తెలంగాణ మంత్రి, చెర్లకోల లక్ష్మారెడ్డి నాగర్‌కర్నూల్ జిల్లా తిమ్మాజీపేట మండలం ఆవంచ గ్రామానికి చెందినవారు. ఫిబ్రవరి 3, 1962న జన్మించిన లక్ష్మారెడ్డి ఆవంచ గ్రామ సర్పంచితో రాజకీయ ప్రస్థానం ఆరంభించి మండల పరిషత్తు ఉపాధ్యక్షునిగా, జిల్లా గ్రంథాలయ సంస్థ చైర్మెన్‌గా పనిచేసి 2004, 2014లలో తెరాస తరఫున జడ్చర్ల అసెంబ్లీ నియోజకవర్గం నుంచి విజయం సాధించారు. రాజకీయ ప్రస్థానం: లక్షారెడ్డి 1988లో ఆవంచ గ్రామ సర్పంచిగా ఎన్నికయ్యారు. మండల పరిషత్తు ఉపాధ్యక్షునిగా పనిచేశారు. 1995లో సహకార సంఘం ఎన్నికలలో ఆవంచ సొసైటి అధ్యక్షుడిగా ఎన్నికై, అదే ఏడాది జిల్లా గ్రంథాలయ సంస్థ చైర్మెన్‌గానూ బాధ్యతలు చేపట్టారు. 2004 ఎన్నికలలో జడ్చర్ల నియోజకవర్గం నుంచి కాంగ్రెస్ మద్దతుతో తెలంగాణ రాష్ట్ర సమితి పార్టీ తరఫున పోటీచేసి తొలిసారి విజయం సాధించారు. 2008లో తెరాస పార్టీకి చెందిన శాసనసభ్యుల మూకుమ్మడి రాజీనామాల సమయంలో రాజీనామా సమర్పించి ఉపఎన్నికలలో మళ్ళీ పోటీచేసి పరాజయం పొందినారు. 2009 ఎన్నికలలో పోటీచేయాలని ఆశించిననూ మహాకూటమి పొత్తులో భాగంగా ఈ స్థానం తెలుగుదేశం పార్టీకి లభించడంతో పోటీచేయలేరు. 2014 శాసనసభ ఎన్నికలలో జడ్చర్ల నుంచి తెరాస తరఫున పోటీ చేసి రెండోసారి విజయం సాధించారు. డిసెంబరు 16, 2014న తెలంగాణ మంత్రివర్గంలో స్థానం పొందారు. విభాగాలు: నాగర్‌కర్నూల్ జిల్లా ప్రముఖులు, తిమ్మాజీపేట మండలము,   జడ్చర్ల అసెంబ్లీ నియోజకవర్గం, తెలంగాణ ప్రస్తుత మంత్రులు,