పానగల్ మండలము (Pangal Mandal)

జిల్లా వనపర్తి రెవెన్యూ డివిజన్ వనపర్తి జనాభా 53454 (2011) 60303 (2011) అసెంబ్లీ నియోజకవర్గం కొల్లాపూర్ లోకసభ నియోజకవర్గం నాగర్ కర్నూల్ పర్యాటక ప్రాంతాలు పానగల్ కోట, ముఖ్య పంటలు వరి మండల ప్రముఖులు పాన్‌గల్ వనపర్తి జిల్లాకు చెందిన మండలము. ఈ మండలము వనపర్తి రెవెన్యూ డివిజన్, కొల్లాపూర్ అసెంబ్లీ నియోజకవర్గం, నాగర్ కర్నూల్ లోకసభ నియోజకవర్గంలో భాగముగా ఉన్నది. మండలంలో 14 ఎంపీటీసి స్థానాలు, 22 రెవెన్యూ గ్రామాలు, 28 గ్రామపంచాయతీలు కలవు. భాషాప్రయుక్త రాష్ట్రాలకు వేదికగా నిలిచిన మాధవరావుపల్లి ఈ మండలములోనిదే. రాజకీయ నాయకులు విష్ణువర్థన్ రెడ్డి, ఒబేదుల్లా కొత్వాల్ ఈ మండలమునకు చెందినవారు. మండల కేంద్రంలో ప్రాచీనమైన కోట ఉంది. సరిహద్దులు: ఈ మండలమునకు ఉత్తరమున వనపర్తి, గోపాలపేట్ మండలములు, తూర్పున కోడేరు మండలము, దక్షిణమున వీపనగండ్ల మండలము, పశ్చిమాన పెబ్బేరు మండలము సరిహద్దులుగా ఉన్నాయి. జనాభా: 2001 లెక్కల ప్రకారం మండల జనాభా 53454. ఇందులో పురుషులు 27448, మహిళలు 26006.  2011 లెక్కల ప్రకారం మండల జనాభా 60303. ఇందులో పురుషులు 31034, మహిళలు 29269. జనాభాలో ఇది జిల్లాలో 27వ స్థానంలో ఉంది. రవాణా సౌకర్యాలు: ప్రధాన రహదారిపై లేకుండుటచే మండలానికి సరైన రవాణా సౌకర్యాలు లేవు. అయిననూ కొల్లాపుర్, వనపర్తి, పెబ్బేరుల నుంచి రహదారి సౌకర్యం ఉంది. కొల్లాపూర్ నియోజకవర్గంలో పానగల్ మండల స్థానం (ఆకుపచ్చ రంగు) రాజకీయాలు: ఈ మండలము కొల్లాపూర్ అసెంబ్లీ నియోజకవర్గం, నాగర్ కర్నూల్ లోకసభ నియోజకవర్గంలో భాగము. 2006 జడ్పీటీసి ఎన్నికలలో కాంగ్రెస్ పార్టీకి చెందిన కె.పి.వెంకటేశ్వర్లు ఎన్నికయ్యారు. 2014లో పాన్‌గల్ ఎంపీపీగా తెరాస పార్టీకి చెందిన వెంకటేశ్ నాయుడు ఎన్నికయ్యారు. విద్యాసంస్థలు: 2008-09 నాటికి మండలంలో 46 ప్రాథమిక పాఠశాలలు (3 ప్రభుత్వ, 39 మండల పరిషత్తు, 4 ప్రైవేట్), 12 ప్రాథమికోన్నత పాఠశాలలు (6 మండల పరిషత్తు, 6 ప్రైవేట్), 11 ఉన్నత పాఠశాలలు (1 ప్రభుత్వ, 10 జడ్పీ, 11 ప్రైవేట్), ఒక ప్రభుత్వ జూనియర్ కళాశాల ఉన్నది. వ్యవసాయం, నీటిపారుదల: మండలం మొత్తం విస్తీర్ణం 28103 హెక్టార్లలో 32% భూమి వ్యవసాయ యోగ్యంగా ఉన్నది. 8% భూభాగంలో అడవులున్నాయి. మండలంలో పండించే ప్రధాన పంట వరి. మొక్కజొన్న, వేరుశనగ, కందులు కూడా పండిస్తారు. మండల సాధారణ వర్షపాతం 481 మిమీ. మండలంలో సుమారు 7800 హెక్టార్లకు నీటిపారుదల సౌకర్యం ఉంది. హోం, విభాగాలు: వనపర్తి జిల్లా మండలాలు,  పానగల్ మండలము,  = = = = = సంప్రదించిన పుస్తకాలు, వెబ్‌సైట్లు: Handbook of Statistics, Mahabubnagar Dist, 2008, Handbook of Census Statistics, Mahabubnagar Dist, 2001, Census of India 2011, Provistional Population Totals, Part 2, Volume 2 of 2011. మహబూబ్‌నగర్ జిల్లా సర్వస్వము (రచన- బి.ఎన్.శాస్త్రి), బ్లాగు రచయిత సందర్శించి తెలుసుకున్న, సేకరించిన సమాచారం,