కోడేరు మండలం (Kodair Mandal)

జిల్లా నాగర్‌కర్నూల్ రెవెన్యూ డివిజన్ నాగర్‌కర్నూల్ జనాభా 32540 (2001) 44313 (2011) అసెంబ్లీ నియోజకవర్గం కొల్లాపూర్ లోకసభ నియోజకవర్గం నాగర్‌కర్నూల్ పర్యాటక ప్రాంతాలు ముఖ్య పంటలు మొక్కజొన్న మండల ప్రముఖులు కోడేరు నాగర్‌కర్నూల్ జిల్లాకు చెందిన మండలము. ఈ మండలము నాగర్‌కర్నూల్ రెవెన్యూ డివిజన్, కొల్లాపూర్ అసెంబ్లీ నియోజకవర్గం, నాగర్‌కర్నూల్ లోకసభ నియోజకవర్గంలో భాగంగా ఉన్నది. మండలంలో 19 రెవెన్యూ గ్రామాలు, 15 గ్రామపంచాయతీలున్నాయి. 2011 లెక్కల ప్రకారం మండల జనాభా 44313. ప్రముఖ కవి తెలకపల్లి రామచంద్రశాస్త్రి, ఎమ్మెల్యేగా పనిచేసిన కొత్త రామచంద్రారావు ఈ మండలమునకు చెందినవారు. మండల సరిహద్దులు: ఈ మండలమునకు ఉత్తరమున గోపాల్ పేట మండలము, తూర్పున పెద్దకొత్తపల్లి మండలము, దక్షిణమున కొల్లాపూర్, వీపనగండ్ల మండలములు, పశ్చిమాన పానగల్ మండలము సరిహద్దులుగా ఉన్నాయి. జనాభా: 2001 లెక్కల ప్రకారం మండల జనాభా 32540. ఇందులో పురుషులు 16381, మహిళలు 16159. జనసాంద్రత 157/చకిమీ. స్త్రీపురుష నిష్పత్తి 984. అక్షరాస్యత శాతం 45.64%. ఎస్సీల సంఖ్య 5253, ఎస్టీల సంఖ్య 3357. 2011 లెక్కల ప్రకారం మండల జనాభా 44313. ఇందులో పురుషులు 22883, మహిళలు 21430. జనాభాలో ఇది జిల్లాలో 57వ స్థానంలో ఉంది. రవాణా సౌకర్యాలు: నాగర్‌కర్నూల్ నుంచి కొల్లాపూర్ వెళ్ళు రహదారి మండలళ్ నుంచి వెళ్ళుచున్నది. రాజకీయాలు: ఈ మండలము కొల్లాపూర్ అసెంబ్లీ నియోజకవర్గం, నాగర్‌కర్నూల్ లోకసభ నియోజకవర్గంలో భాగము. 1989లో కొల్లాపూర్ నుంచి విజయం సాధించిన కొత్త రామచంద్రారావు ఈ మండలమునకు చెందినవారు. 2006 జడ్పీటీసి ఎన్నికలలో కాంగ్రెస్ పార్టీకి చెందిన సురేందర్ గౌడ్ ఎన్నికయ్యారు. 2006 సర్పంచి ఎన్నికలలో మండలంలోని 15 గ్రామపంచాయతీలకుగాను కాంగ్రెస్ పార్టీ 11, తెలుగుదేశం పార్టీ 4 పంచాయతీలలో విజయం సాధించాయి. 2014లో కోడేరు ఎంపీపీగా తెరాస పార్టీకి చెందిన చిన్న రామ్మోహన్ రావు ఎన్నికయ్యారు. కొల్లాపూర్ నియోజకవర్గంలో కోడేరు మండల స్థానం (ఎరుపు రంగు) విద్యాసంస్థలు: మండలంలో 31 ప్రాథమిక పాఠశాలలు (1 ప్రభుత్వ, 30 మండల పరిషత్తు), 9 ప్రాథమికోన్నత (8 మండల పరిషత్తు, 1 ప్రైవేట్), 8 ఉన్నత పాఠశాలలు (1 ప్రభుత్వ, 6 జడ్పీ, 1 ప్రైవేట్) ఉన్నాయి. వ్యవసాయం, నీటిపారుదల: మండలం మొత్తం విస్తీర్ణం 30912 హెక్టార్లలో 32% భూమి వ్యవసాయ యోగ్యంగా ఉన్నది. మండలంలో పండించే ప్రధాన పంట మొక్కజొన్న. వరి, వేరుశనగ కూడా పండిస్తారు. మండల సాధారణ వర్షపాతం 663 మిమీ. మండలంలో సుమారు 1400 హెక్టార్లకు నీటిపారుదల సౌకర్యం ఉంది. కోడేరు మండలంలోని గ్రామపంచాయతీలు 1.కదీరాపాడు 6.నాగులపల్లి 11.మైలారం 2.కొండ్రావుపల్లి 7.పసుపుల 12.యాతం 3.కోడేర్ 8.బస్వాయిపల్లి 13.రాజాపూర్ 4.జనుంపల్లి 9.మాచుపల్లి 14.సర్పాయిపల్లి 5.తీగలపల్లి 10.ముత్తిరెడ్డిపల్లి 15.సింగాయిపల్లి విభాగాలు: నాగర్‌కర్నూల్ జిల్లా మండలాలు, కోడేరు మండలము, నాగర్‌కర్నూల్ రెవెన్యూ డివిజన్, కొల్లాపూర్ అసెంబ్లీ నియోజకవర్గం,   = = = = = సంప్రదించిన పుస్తకాలు, వెబ్‌సైట్లు: Handbook of Statistics, Mahabubnagar Dist, 2008, Handbook of Census Statistics, Mahabubnagar Dist, 2001, Census of India 2011, Provistional Population Totals, Part 2, Volume 2 of 2011. మహబూబ్‌నగర్ జిల్లా సర్వస్వము (రచన- బి.ఎన్.శాస్త్రి), పాలమూరు ఆధునిక యుగ కవుల చరిత్ర (రచన- ఆచార్య ఎస్వీ రామారావు), బ్లాగు రచయిత సందర్శించి తెలుసుకున్న, సేకరించిన సమాచారం,