కల్వకుర్తి మండలం (Kalwakurthy Mandal)

జిల్లా నాగర్‌కర్నూల్ రెవెన్యూ డివిజన్ మహబూబ్‌నగర్ జనాభా 58217 (2001) 64153 (2011) అసెంబ్లీ నియోజకవర్గం కల్వకుర్తి లోకసభ నియోజకవర్గం నాగర్ కర్నూల్ పర్యాటక ప్రాంతాలు ముఖ్య పంటలు ప్రత్తి మండల ప్రముఖులు పోతుగంటి రాములు, కల్వకుర్తి నాగర్‌కర్నూల్ జిల్లాకు చెందిన మండలము. హైదరాబాదు-శ్రీశైలం రహదారి మండలం గుండా వెళ్తుంది.  జిల్లాలోనే తొలి చేనేత సహకార సంఘం 1952లో రఘుపతిపేటలో ఏర్పాటైంది. ఈ మండలం మహబూబ్‌నగర్ రెవెన్యూ డివిజన్, కల్వకుర్తి అసెంబ్లీ నియోజకవర్గం, నాగర్ కర్నూల్ లోకసభ నియోజకవర్గంలో భాగంగా ఉన్నది. 2011 లెక్కల ప్రకారం మండల జనాభా 64153. అచ్చంపేట నియోజకవర్గం నుంచి 3 సార్లు ఎమ్మెల్యేగా విజయం సాధించిన పోతుగంటి రాములు, రచయిత ముకురాల రామారెడ్డి ఈ మండలమునకు చెందినవారు. మార్చాల గ్రామంలో పురాతనమైన శివాలయం ఉంది. మండలకేంద్రంలో వ్యవసాయ మార్కెట్ కమిటీ ఉన్నది. మండల సరిహద్దులు: ఈ మండలమునకు ఉత్తరమున వెల్దండ మండలము, తూర్పున వెల్దండ, వంగూరు మండలములు, దక్షిణమున కొంతవరకు టెల్కపల్లి మండలము, పశ్చిమాన తాడూరు, మిడ్జిల్ మండలములు సరిహద్దులుగా ఉన్నాయి. జనాభా: 2001 లెక్కల ప్రకారం మండల జనాభా 58217. ఇందులో పురుషులు 29827, మహిళలు 28390.  2011 లెక్కల ప్రకారం మండల జనాభా 64153. ఇందులో పురుషులు 32742, మహిళలు 31411. పట్టణ జనాభా 28110, గ్రామీణ జనాభా 36043. జనాభాలో ఇది జిల్లాలో 22వ స్థానంలో ఉంది. రవాణా సౌకర్యాలు: మహబూబ్ నగర్ నుంచి దేవరకొండ, నల్గొండ వైపు వెళ్ళు రహదారి మండలం నుంచే వెళ్ళుచున్నది. హైదరాబాదు, నాగర్ కర్నూల్ నుంచి కూడా కల్వకుర్తికి మంచి రోడ్డు సౌకర్యాలున్నాయి. కల్వకుర్తిలో ఆర్టీసి డీపో ఉన్నది. కల్వకుర్తి నియోజకవర్గంలో కల్వకుర్తి మండలం స్థానం (గులాబి రంగు) రాజకీయాలు: ఈ మండలము కల్వకుర్తి అసెంబ్లీ నియోజకవర్గం, నాగర్ కర్నూల్ లోకసభ నియోజకవర్గంలో భాగంగా ఉన్నది. శాసనసభ్యులుగా ఎన్నికైన పి.రాములు, ఎడ్మ కిష్టారెడ్డి ఈ మండలమునకు చెందినవారు. 2001 జడ్పీటీసి ఎన్నికలలో కాంగ్రెస్ పార్టీకి చెందిన డొక్కా హరిదాస్, 2006 జడ్పీటీసి ఎన్నికలలో కాంగ్రెస్ పార్టీకి చెందిన ఎన్.సుభాషిణి ఎన్నికయ్యారు. విద్యాసంస్థలు: 2008-09 నాటికి మండలంలో 53 ప్రాథమిక పాఠశాలలు (40 మండల పరిషత్తు, 2 ప్రైవేట్ ఎయిడెడ్, 11 ప్రైవేట్ అన్-ఎయిడెడ్), 16 ప్రాథమికోన్నత పాఠశాలలు (1 ప్రభుత్వ, 8 మండల పరిషత్తు, 1 ప్రైవేట్ ఎయిడెడ్, 6 ప్రైవేట్ అన్-ఎయిడెడ్), 25 ఉన్నత పాఠశాలలు (4 ప్రభుత్వ, 7 జడ్పీ, 2 ప్రైవేట్ ఎయిడెడ్, 12 ప్రైవేట్ అన్-ఎయిడెడ్), 8 ప్రభుత్వ జూనియర్ కళాశాలు (1 ప్రభుత్వ, 7 ప్రైవేట్) ఉన్నవి. కల్వకుర్తి బస్‌స్టేషన్ వ్యవసాయం, నీటిపారుదల: మండలం మొత్తం విస్తీర్ణం 26796 హెక్టార్లలో 42% భూమి వ్యవసాయ యోగ్యంగా ఉన్నది. మండలంలో పండించే ప్రధాన పంట ప్రత్తి.  వరి. మొక్కజొన్న, కందులు, వేరుశనగ కూడా పండిస్తారు. మండల సాధారణ వర్షపాతం 643 మిమీ. మండలంలో సుమారు 3200 హెక్టార్లకు నీటిపారుదల సౌకర్యం ఉంది. కాలరేఖ: 2013, మార్చి 24: కల్వకుర్తి ప్రాంతానికి రూ.100 కోట్లతో త్రాగునీటి పథకం, KLI ఉపకాల్వ నిర్మాణానికి కేంద్రమంత్రి సూదిని జైపాల్ రెడ్డిచే శంకుస్థాపన.    2014, జూన్ 2: మండలం తెలంగాణ రాష్ట్రంలో భాగమైంది 2016, అక్టోబరు 11: జిల్లాల పునర్వ్యవస్థీకరణలో భాగంగా ఈ మండలం మహబూబ్‌నగర్ జిల్లా నుంచి కొత్తగా ఏర్పడిన నాగర్‌కర్నూల్ జిల్లాలో చేరింది.  2020, మే 18: ముకురాల గ్రామంలో క్రీ.శ.9వ శతాబ్దికి చెందిన 74 వెండి నాణేలు బయటపడ్డాయి. కల్వకుర్తి మండలంలోని గ్రామపంచాయతీలు 1.ఎలికట్ట 8.జిల్లెల 15.మార్చాలా 2.ఎల్లికల్ 9.జీడిపల్లి 16.ముకురాల 3.కల్వకుర్తి 10.తర్నికల్ 17.రఘుపతిపేట్ 4.కురిమిద్ద 11.తిమ్మరాస్ పల్లి 18.లింగసానిపల్లి 5.గుండూర్ 12.తుర్కలపల్లి 19.వెంకటాపూర్ 6.జంగంపల్లి 13.తోటపల్లి 20.వేపూర్ 7.జంగారెడ్డిపల్లి 14.పంజుగుల 21.సుద్దకల్ విభాగాలు: నాగర్‌కర్నూల్ జిల్లా మండలాలు, కల్వకుర్తి మండలము, మహబూబ్‌నగర్ రెవెన్యూ డివిజన్, కల్వకుర్తి అసెంబ్లీ నియోజకవర్గం,   = = = = = సంప్రదించిన పుస్తకాలు, వెబ్‌సైట్లు: Handbook of Statistics, Mahabubnagar Dist, 2008, Handbook of Census Statistics, Mahabubnagar Dist, 2001, Census of India 2011, Provistional Population Totals, Part 2, Volume 2 of 2011. మహబూబ్‌నగర్ జిల్లా సర్వస్వము (రచన- బి.ఎన్.శాస్త్రి), పాలమూరు ఆధునిక యుగ కవుల చరిత్ర (రచన- ఆచార్య ఎస్వీ రామారావు), బ్లాగు రచయిత సందర్శించి తెలుసుకున్న, సేకరించిన సమాచారం,

Tags: Kalwakurthy Mandal in Telugu, Kalwakurthy Mandal information in Telugu,