ఘన్‌పూర్ మండలం (Ghanpur Mandal)

జిల్లా వనపర్తి రెవెన్యూ డివిజన్ వనపర్తి జనాభా 49055 (2011) అసెంబ్లీ నియోజకవర్గం వనపర్తి లోకసభ నియోజకవర్గం నాగర్ కర్నూల్ పర్యాటక ప్రాంతాలు ఘన్ పూర్ కోట, ముఖ్య పంటలు వరి ఘన్‌పూర్ వనపర్తి జిల్లాకు చెందిన మండలము. ఈ మండలము వనపర్తి రెవెన్యూ డివిజన్, వనపర్తి అసెంబ్లీ నియోజకవర్గం, నాగర్ కర్నూల్ లోకసభ నియోజకవర్గం పరిధిలోకి వస్తుంది. మండలంలో 12 ఎంపీటీసి స్థానాలు, 18 రెవెన్యూ గ్రామాలు, 27 గ్రామపంచాయతీలు కలవు. 2011 లెక్కల ప్రకారం మండల జనాభా 49055. భౌగోళికంగా ఈ మండలం జిల్లా మధ్యలో ఉంది. మండల కేంద్రంలో గణపతిదేవుని కాలంలో మల్యాల గుండన నిర్మించిన గణపసముద్రం అనే చెరువు ఉంది. ప్రముఖ సెపక్‌తక్రా క్రీడాకారిణి నవత ఈ మండలానికి చెందినది. భౌగోళికం, సరిహద్దులు: మండలం మొత్తం విస్తీర్ణం 18721 హెక్టార్లు. ఇందులో 2645 హెక్టార్ల అడవులు ఉన్నాయి (14%). ఈ మండలానికి తూర్పున బిజినేపల్లి మండలం, దక్షిణాన పెద్దమందడి మండలం, ఆగ్నేయాన కొంతభాగం గోపాలపేట, వనపర్తి మండలాలు, పశ్చిమాన అడ్డాకల్ మండలం, ఉత్తరాన భూత్పూర్ మండలం సరిహద్దులుగా ఉన్నాయి. జనాభా: 2001 లెక్కల ప్రకారం మండల జనాభా 42049. ఇందులో పురుషులు 21356, మహిళలు 20693. ఎస్సీల సంఖ్య 6353, ఎస్టీల సంఖ్య 6102. జనసాంద్రత 228/చకిమీ, స్త్రీపురుష నిష్పత్తి 967. అక్షరాస్యత శాతం 39.93%. 2011 లెక్కల ప్రకారం మండల జనాభా 49055. ఇందులో పురుషులు 25172, మహిళలు 23883. జనాభాలో ఇది జిల్లాలో 52వ స్థానంలో ఉంది. రవాణా సౌకర్యాలు: మండలానికి పశ్చిమం నుంచి జాతీయ రహదారి వెళ్ళుచున్ననూ ఈ మండలానికి సరైన రవాణా సదుపాయం లేదు. మహబూబ్ నగర్ శ్రీశైలం రహదారి నుంచి మండల కేంద్రానికి రోడ్డుసౌకర్యం ఉంది. వనపర్తి నియోజకవర్గంలో ఘన్‌పూర్ మండల స్థానం (ఎరుపు రంగు) రాజకీయాలు: ఈ మండలము వనపర్తి అసెంబ్లీ నియోజకవర్గం, నాగర్ కర్నూల్ లోకసభ నియోజకవర్గంలో భాగముగా ఉన్నది. 2006 జడ్పీటీసి ఎన్నికలలో తెలుగుదేశం పార్టీకి చెందిన సోమ్లి ఎన్నికయ్యారు.2006 సర్పంచి ఎన్నికలలో మండలంలోని 19 గ్రామపంచాయతీలకుగాను కాంగ్రెస్ పార్టీ 10, తెలుగుదేశం పార్టీ 9 పంచాయతీలలో విజయం సాధించాయి. విద్యాసంస్థలు: 2008-09 నాటికి మండలంలో 39 పాథమిక పాఠశాలలు (37 మండల పరిషత్తు, 2 ప్రైవేట్), 12 ప్రాథమికోన్నత పాఠశాలలు (1 ప్రభుత్వ, 7 మండల పరిషత్తు, 4 ప్రైవేట్), 8 ఉన్నత పాఠశాలలు (2 ప్రభుత్వ, 6 జడ్పీ), ఒక ప్రభుత్వ జూనియర్ కళాశాల ఉన్నాయి. వ్యవసాయం, నీటిపారుదల: మండలం మొత్తం విస్తీర్ణం 18721 హెక్టార్లలో 29% భూమి వ్యవసాయ యోగ్యంగా ఉన్నది. 14% భూమి అటవీ ప్రాంతంగా ఉంది. మండలంలో పండించే ప్రధాన పంట వరి. వేరుశనగ, మొక్కజొన్న, జొన్నలు కూడా పండిస్తారు. మండల సాధారణ వర్షపాతం 607 మిమీ. మండలంలో సుమారు 2500 హెక్టార్లకు నీటిపారుదల సౌకర్యం ఉంది.  హోం, విభాగాలు: వనపర్తి జిల్లా మండలాలు,  ఘన్‌పూర్ మండలము,  = = = = = సంప్రదించిన పుస్తకాలు, వెబ్‌సైట్లు: Handbook of Statistics, Mahabubnagar Dist, 2008, Handbook of Census Statistics, Mahabubnagar Dist, 2001, Census of India 2011, Provistional Population Totals, Part 2, Volume 2 of 2011. మహబూబ్‌నగర్ జిల్లా సర్వస్వము (రచన- బి.ఎన్.శాస్త్రి), బ్లాగు రచయిత సందర్శించి తెలుసుకున్న, సేకరించిన సమాచారం