26, ఫిబ్రవరి 2017, ఆదివారం

కె.సి.శేఖర్ బాబు (K.C.Sekhar Babu)

కె.సి.శేఖర్ బాబు
రంగంసినీ నిర్మాత
స్వస్థలంకోలవెన్ను
ప్రముఖ సినీ నిర్మాత కె.సి.శేఖర్ బాబు పూర్తిపేరు కంచర్ల చంద్రశేఖర్ రావు. కృష్ణా జిల్లా కోలవెన్ను గ్రామానికి చెందిన శేఖర్ బాబు 1973లో మమత చిత్రం ద్వారా నిర్మాతగా మారారు. సంసార బంధం, గోపాలరావుగారి అమ్మాయి, పక్కింటి అమ్మాయి, జగ్గు, సర్దార్, సాహస సామ్రాట్, ముఠామేస్త్రీ, సుబ్బరాజుగారి కుటుంబం చిత్రాలను నిర్మించారు. ఫిలిం సెంట్రల్ బోర్డ్ చైర్మెన్‌గా, దక్షిణ భారతదేశ చలనచిత్ర మండలి సభ్యుడిగా పనిచేశారు. ఫిబ్రవరి 25, 2017న మరణించారు.

విభాగాలు: కృష్ణా జిల్లా ప్రముఖులు, 2017లో మరణించినవారు,


 = = = = =


25, ఫిబ్రవరి 2017, శనివారం

భీమదేవరపల్లి మండలం (Bheemadevarapalli Mandal)

భీమదేవరపల్లి మండలం
జిల్లావరంగల్ పట్టణ
జనాభా
అసెంబ్లీ నియో.హుస్నాబాదు
లోకసభ నియో.కరీంనగర్
భీమదేవరపల్లి వరంగల్ అర్బన్ జిల్లాకు చెందిన మండలము. ప్రధానమంత్రిగా, ఆంధ్రప్రదేశ్ ముఖ్యమంత్రిగా, కేంద్ర మంత్రిగా పనిచేసిన పి.వి.నరసింహారావు ఈ మండలమునకు చెందినవారు. ముత్తారంలో కాకతీయుల కాలం నాటి శివాలయం ఉంది. ఈ మండలము హుస్నాబాదు అసెంబ్లీ నియోజకవర్గం, కరీంనగర్ లోకసభ నియోజకవర్గంలో భాగంగా ఉన్నది. మండల పరిధిలోని ముల్కనూరు సహకార బ్యాంకు దేశంలోనే ఆదర్శంగా నిలిచింది. మండలంలో 12 రెవెన్యూ గ్రామాలు కలవు. 2016 జిల్లాల పునర్విభజనకు ముందు ఈ మండలం కరీంనగర్ జిల్లాలో ఉండేది. అక్టోబరు 11, 2016న ఈ మండలం వరంగల్ పట్టణ జిల్లా పరిధిలోకి వచ్చింది.

మండల ప్రముఖులు:
  • పి.వి.నరసింహారావు (ప్రధానమంత్రిగా, ఆంధ్రప్రదేశ్ ముఖ్యమంత్రిగా, కేంద్ర మంత్రిగా పనిచేశారు)
  • పి.వి.రంగారావు: శాసనసభ్యుడిగా, రాష్ట్ర మంత్రిగా పనిచేశారు.

మండలంలోని గ్రామాలు:

కొత్తకొండ, కొత్తపల్లి, కొప్పూర్, గట్లనర్సింగాపూర్, భీమదేవరపల్లి, మల్లారం, మాణిక్యాపూర్, ముత్తారం (పి.కె), ముల్కనూర్, ముస్తాపూర్, రత్నగిరి, వంగర,
 

విభాగాలు: వరంగల్ అర్బన్ జిల్లా మండలాలు, భీమదేవరపల్లి మండలం,


 = = = = =



Tags: Bheemadevarpalli Mandal in Telugu, Bheemadevarpalli Mandal information, Vangara village in Telugu, bheemadevarpally samacharam.

19, ఫిబ్రవరి 2017, ఆదివారం

మాక్స్ ప్లాంక్ (Max Planck)

మాక్స్ ప్లాంక్
జననంఏప్రిల్ 23, 1858
రంగంభౌతిక శాస్త్రవేత్త
ప్రత్యేకతక్వాంటం సిద్ధాంత ప్రతిపాదకుడు
మరణంఅక్టోబర్ 4,1947
మాక్స్ ప్లాంక్ జర్మనీకి చెందిన భౌతిక శాస్త్రవేత్త. ఏప్రిల్ 23, 1858న కీల్‌లో జన్మించిన మాక్స్ ప్లాంక్ భౌతికశాస్త్రంలో కీలకమైన క్వాంటం సిద్ధాంతాన్ని కనుగొని 1918లో నోబెల్ బహుమతి పొందాడు. 17 సం.ల వయస్సులోనే ప్రయోగాలు చేసి, 31వ ఏట బెర్లిన్ విశ్వవిద్యాలయంలో భౌతికశాస్త్ర విభాగానికి అధిపతి అయ్యాడు. 89 సం.ల వయస్సులో అక్టోబర్ 4,1947న మరణించాడు.

క్వాంటం సిద్ధాంతం:
శక్తి అవిచ్ఛిన్నంగా కాకుండా విడివిడిగా అతి చిన్న పరిమాణాల్లో కణాల రూపంలో ఉంటుంది. ఈ పరిమాణాన్ని క్వాంటమ్ శక్తి అంటారు. ఇది ఆవర్తన పట్టికను విపులీకరిస్తుంది. రసాయనిక చర్యలు ఎందుకు జరుగుతాయో వివరిస్తుంది. జీవశాస్త్రంలో డీఎన్‌ఏ కణాల స్థిరత్వాన్ని, పరమాణు కేంద్రం నుంచి ఆల్ఫా కణాల వికిరణాలను వివరిస్తుంది. లేజర్ కిరణాలు, కంప్యూటర్ రంగానికి మూలాధారమైన మైక్రోచిప్స్, అతివాహకత, కాంపాక్ట్ డిస్క్ ల ఆవిష్కరణకు ఈ సిద్ధాంతం నాంది పలికింది.
విభాగాలు: శాస్త్రవేత్తలు, జర్మనీ ప్రముఖులు, 1858లో జన్మించినవారు, 1947లో మరణించినవారు, ఆవిష్కర్తలు, నోబెల్ బహుమతి గ్రహీతలు, భౌతిక శాస్త్రవేత్తలు


 = = = = =


Tags: Famous Scientists in Telugu, Alexander Fleming in Telugu, Nobel Prize winners in Telugu, World Famous Persons in telugu,

స్టేషన్ ఘన్‌పూర్ మండలం (Station Ghanpur Mandal)

స్టేషన్ ఘన్‌పూర్ మండలం
జిల్లాజనగామ జిల్లా
జనాభా 92475 (2011)
అసెంబ్లీ నియో.జనగామ
లోకసభ నియో.భువనగిరి
స్టేషన్ ఘన్‌పూర్ జనగామ జిల్లాకు చెందిన మండలము. 2016లో జిల్లాల పునర్విభజనకు ముందు వరంగల్ జిల్లాలో ఉండేది. సికింద్రాబాదు-కాజీపేట రైల్వేలైన్ మరియు హైదరాబాదు-వరంగల్ జాతీయ రహదారి మండలం గుండా వెళ్ళుచున్నవి. 2014 జూన్‌లో తెలంగాణ ఉప ముఖ్యమంత్రిగా పదవి పొందిన తాటికొండ రాజయ్య ఈ మండలమునకు చెందినవారు. 
రాజకీయాలు:
ఈ మండలము స్టేషన్ ఘన్‌పూర్ అసెంబ్లీ నియోజకవర్గం, వరంగల్ లోకసభ నియోజకవర్గంలో భాగంగా ఉంది.

మండలంలోని గ్రామాలు:
ఇప్పగూడెం, కొత్తపల్లి, చాగల్, తాటికొండ, తానదర్పల్లి, నమిలకొండ, పమునూరు, మీదిగొండ, రాఘవాపూర్, విశ్వనాథ్‌పూర్, శివునిపల్లి, సముద్రాల, స్టేషన్ ఘన్‌పూర్, 

విభాగాలు: జనగామ జిల్లా మండలాలు, స్టేషన్ ఘన్‌పూర్ మండలం,


 = = = = =



Tags: Janagoan Mandal in Telugu, Janagoan Mandal information, Janagama Mandal in Telugu, Janagama samacharam.

16, ఫిబ్రవరి 2017, గురువారం

జనగామ మండలం (Janagoan Mandal)

జనగామ మండలం
జిల్లాజనగామ జిల్లా
జనాభా 92475 (2011)
అసెంబ్లీ నియో.జనగామ
లోకసభ నియో.భువనగిరి
జనగామ జిల్లాకు చెందిన మండలము. సికింద్రాబాదు-కాజీపేట రైల్వేలైన్ మండలం గుండా వెళ్ళుచున్నది. తెలంగాణలో మొఘలాయిలను అడ్డుకున్న సర్వాయి పాపన్న ఈమండలమునకు చెందినవారు. మండలంలో 11 ఎంపీటీసి స్థానాలు, 18 గ్రామపంచాయతీలు, 20 రెవెన్యూ గ్రామాలు కలవు. మండలంలోని వడ్లకొండ, చీటకోడూరు శివారులో మైసమ్మగుట్ట, పొట్టిగట్ట, కోటిగుట్టలలో ఆదిమానవుల అబశేషాలు వెలుగుచూశాయి. ఇత్తడి కళలకు పేరుగాంచిన పెంబర్తి ఈ జిల్లాలో ఉంది
అక్టోబరు 11, 2016న జిల్లాల పునర్విభజన సమయంలో జనగామ జిల్లాకేంద్రంగా మారింది. అంతకు క్రితం ఇది వరంగల్ జిల్లాలో భాగంగా ఉండేది. తెలంగాణ శివాజీగా పేరుపొందిన సర్వాయిపాపన్న ఈ మండలమునకు చెందినవాడు. ఖిలాషాపురంలో పాపన్న నిర్మించిన కోట ఉంది. సికింద్రాబాదు-కాజీపేట రైలుమార్గం, హైదరాబాదు-వరంగల్ జాతీయ రహదారి మండలం మీదుగా వెళ్ళుచున్నాయి.
జనాభా:
2011 లెక్కల ప్రకారం మండల జనాభా 92475. ఇందులో పురుషులు 46816, మహిళలు 45659.మండలంలో పట్టణ జనాభా 52408, గ్రామీణ జనాభా 40067. అక్షరాస్యత శాతం
రవాణా సౌకర్యాలు:
సికింద్రాబాదు-కాజీపేట రైల్వేలైన్ మరియు హైదరాబాదు- వరంగల్ ప్రధాన రహదారి మండలం గుండా వెళ్ళుచున్నవి.
రాజకీయాలు:
ఈ మండలము జనగామ అసెంబ్లీ నియోజకవర్గం, భువనగిరి లోకసభ నియోజకవర్గంలో భాగంగా ఉంది.

మండలంలోని గ్రామాలు:
అడవి కేశ్వాపూర్, చీతకోడూర్, చౌడారం, చౌదర్‌పల్లి, గంగుపహాడ్, గోపరాజ్‌పల్లి, జనగామ, మరిగడి, ఓబ్లకేశ్వాపుర్, పాసర్‌మడ్ల, పెద్దపహాడ్, పెద్దరామన్‌చెర్, పెంబర్తి , షామీర్‌పేట్, సిద్దెంకి, వెంకిర్యాల్,
వడ్లకొండ, ఎల్లంల, ఎర్రగొల్లపహాడ్, యశ్వంత్‌పూర్

విభాగాలు: జనగామ జిల్లా మండలాలు, జనగామ మండలం,


 = = = = =



Tags: Janagoan Mandal in Telugu, Janagoan Mandal information, Janagama Mandal in Telugu, Janagama samacharam.

8, ఫిబ్రవరి 2017, బుధవారం

అలెగ్జాండర్ ఫ్లెమింగ్ (Alexander Fleming)

జననంఆగస్టు 6, 1881
రంగంశాస్త్రవేత్త
ప్రత్యేకతపెన్సిలిన్ ఆవిష్కర్త
మరణంమార్చి 11, 1955
అలెగ్జాండర్ ఫ్లెమింగ్ స్కాట్లాండ్‌కు చెందిన జీవశాస్త్రవేత్త. ఆగస్టు 6, 1881న జన్మించిన ఫ్లెమింగ్ తొలి యాంటి బయాటిక్ పెన్సిలిన్ రూపకర్తగా ప్రసిద్ధిచెందాడు. ఈ పరిశోధనకుగాను ఆయనకు 1945లో వైద్యశాస్త్రంలో నోబెల్ బహుమతి లభించింది. లైసోజోమ్‌ ఎంజైమును కూడా కనుగొన్న అలెగ్జాండర్ ఫ్లెమింగ్ మార్చి 11, 1955న మరణించాడు.

జీవనం:
ఈయన స్కాట్లండ్‌కు చెందినవాడు. లండన్ లోని మేరీ మెడికల్ కాలేజీ నుంచి 1906 లో డిగ్రీ తీసుకొని అక్కడే కొంతకాలం పాటు బాక్టీరియా లను నిరోధించే పదార్థాలపై పరిశోధనలు చేశాడు. అక్కడ నుంచే ఆర్మీ మెడికల్ కార్ఫ్ కి వెళ్లి, మొదటి ప్రపంచ యుద్ధం ఫలితంగా 1918 లో మళ్ళీ సెయింట్ మేరీ మెడికల్ కాలేజీకి వచ్చి వేశాడు. ఆంటీ బయాటిక్స్ మీద పరిశోధనలు మాత్రం విడువకుండా చేసేవాడు. ఫలితంగా 1928 లో పెన్సిలిన్ ను రూపొందించగలిగాడు. వెయ్యేళ్ల కాలంలోనే అతి గొప్ప ఆవిష్కరణగా, కోట్లాది మంది ప్రాణాలకు రక్షణగా గుర్తింపు పొందింది 'పెన్సిలిన్‌'. తొలి యాంటీ బయోటిక్‌గా పేరొందిన ఆ మందును కనిపెట్టిన శాస్త్రవేత్తే అలగ్జాండర్‌ ఫ్లెమింగ్‌. వేరే ప్రయోగం చేస్తుండగా జరిగిన చిన్న పొరపాటు వల్ల ఇది బయటపడడం విశేషం. పెన్సిలిన్‌ వల్ల క్షయ, న్యూమోనియా, టైఫాయిడ్‌ లాంటి ఎన్నో ప్రాణాంతక వ్యాధుల నుంచి మానవాళికి రక్షణ కలుగుతోంది. దీన్ని కనిపెట్టినందుకు ఫ్లెమింగ్‌ 1945లో నోబెల్‌ బహుమతిని పొందారు.

పరిశోధనలు:
మొదటి ప్రపంచ యుద్ధం మొదలవడంతో సైనికులకు చికిత్సలు చేసే బృందానికి నాయకత్వం వహించాడు. గాయాలకు సూక్ష్మజీవుల వల్ల ఇన్ఫెక్షన్‌ సోకి చాలా మంది సైనికులు చనిపోవడాన్ని గమనించిన ఫ్లెమింగ్‌ యుద్ధానంతరం బ్యాక్టీరియాపై పరిశోధనలు చేయసాగాడు. వాటిలో భాగంగా 'స్టెఫైలో కోకి' సూక్ష్మజీవులపై పరిశోధన చేస్తుండగా ఓ రోజున చిన్న పొరపాటు జరిగింది. ఆ బ్యాక్టీరియా ఉన్న పాత్రలను బల్లపై పెట్టి మర్చిపోయి ఇంటికి వెళ్లిపోయాడు. ఆ మర్నాడు వచ్చి చూస్తే బయటి వాతావరణం ప్రభావం వల్ల ఓ పాత్రలో నీలిరంగులో బూజులాంటి తెట్టు (ఫంగస్‌) కట్టి ఉండడం గమనించాడు. చిత్రంగా ఆ బూజు ఆశించినంత మేరా పాత్రలో సూక్ష్మజీవులు నాశనమై కనిపించాయి. అంటే ఆ బూజులో సూక్ష్మజీవులను చంపే పదార్థమేదో ఉందన్నమాట! దాంతో ఫ్లెమింగ్‌ దానిపై పరిశోధనలు చేసి చిన్న కుంచెలాగా ఉండే పదార్థాన్ని వేరుచేయగలిగాడు. లాటిన్‌లో పెన్సిలియమ్‌ అంటే చిన్న కుంచె అనే అర్థం ఉండడంతో దానికి 'పెన్సిలిన్‌' అని పేరు పెట్టాడు. దాన్ని 1928లో కనిపెట్టగా, మరిన్ని పరిశోధనలు చేసి ఓ మందుగా మార్చి వాడుకలోకి తీసుకు రావడానికి 17 సంవత్సరాలు పట్టింది. దీంతో యాంటీబయాటిక్‌ యుగానికి నాంది పలికినట్టయింది.

నోబెల్ బహుమతి:
అలెగ్జాండర్ ఫ్లెమింగ్ స్కాటిష్ జీవశాస్త్రవేత్త మరియు వైద్య రసాయన శాస్త్రవేత్త (ఫార్మకాలగిస్ట్) . ఈయన కనిపెట్టిన "ఎంజైము లైసోజైము(1923 ) , అంటి బయోటిక్ ' పెన్సిలిన్(1928 ) ' ముఖ్యమైనవి . పెన్సిలిన్ ఆవిష్కరణకుగాను 1945లో నోబెల్ బహుమతి వచ్చింది .1945లో వైద్యశాస్త్రానికి ఫ్లెమింగ్ తో పాటు హొవార్డ్ ఫ్లోరె, ఎర్నెస్ట్ చెయిన్ శాస్త్రవేత్తలకు కూడా నోబెల్ లభించింది.

విభాగాలు: శాస్త్రవేత్తలు, స్కాట్లాండ్ ప్రముఖులు, 1881లో జన్మించినవారు, 1955లో మరణించినవారు, ఆవిష్కర్తలు,నోబెల్ బహుమతి గ్రహీతలు, జీవశాస్త్రవేత్తలు


 = = = = =


Tags: Famous Scientists in Telugu, Alexander Fleming in Telugu, Nobel Prize winners in Telugu, World Famous Persons in telugu,

3, ఫిబ్రవరి 2017, శుక్రవారం

రాజన్న సిరిసిల్ల జిల్లా (Rajanna Sirisilla District)

రాజన్న సిరిసిల్ల జిల్ల
జిల్లాకేంద్రంసిరిసిల్ల
విస్తీర్ణం
జనాభా
మండలాలు13
రాజన్న సిరిసిల్ల జిల్లా తెలంగాణ రాష్ట్రంలోని 31 జిల్లాలలో ఒకటి. ఈ జిల్లా అక్టోబరు 11, 2016న కొత్తగా అవతరించింది. ఈ జిల్లాలో ఒక రెవెన్యూ డిబిజన్, 13 రెవెన్యూ మండలాలు ఉన్నాయి. జిల్లా కేంద్రము సిరిసిల్ల. ఈ జిల్లాలోని అన్ని మండలాలు పూర్వపు కరీంనగర్ జిల్లాకు చెందినవి.

భౌగోళికం, సరిహద్దులు
భౌగోళికంగా ఈ జిల్లా ఉత్తర తెలంగాణలో ఉంది. ఉత్తరాన జగిత్యాల జిల్లా, తూర్పున కరీంనగర్ జిల్లా, దక్షిణాన సిద్ధిపేట జిల్లా, పశ్చిమాన కామారెడ్డి జిల్లా, వాయువ్యాన నిజామాబాదు జిల్లాలు సరిహద్దులుగా ఉన్నాయి.

మండలాలు
  • సిరిసిల్ల మండలం,
  • తంగళ్ళపల్లి మండలం,
  • గంభీర్రావుపేట మండలం,
  • వేములవాడ మండలం,
  • వేములవాడ గ్రామీణ మండలం,
  • చందుర్తి మండలం,
  • రుద్రంగి మండలం,
  • బోయిన్‌పల్లి మండలం,
  • ఎల్లారెడ్డిపేట మండలం,
  • వీర్నపల్లి మండలం,
  • ముస్తాబాద్ మండలం,
  • ఇల్లంతకుంట మండలం,
  • కోనారావుపేట మండలం,

విభాగాలు: తెలంగాణ జిల్లాలు, రాజన్న సిరిసిల్ల జిల్లా


 = = = = =
ఆధారాలు:
  • తెలంగాణ రాష్ట్ర ప్రభుత్వ ఉత్తర్వు (GO Ms No) సంఖ్య 228 తేది 11-10-2016

జనగామ జిల్లా (Janagoan District)

జనగామ జిల్లా
జిల్లా కేంద్రంజనగామ
విస్తీర్ణం
జనాభా
మండలాలు13
జనగామ జిల్లా తెలంగాణ రాష్ట్రంలోని 31 జిల్లాలలో ఒకటి. అక్టోబరు 11, 2016న ఈ జిల్లా కొత్తగా అవతరించింది.[1] ఈ జిల్లాలో రెండు రెవెన్యూ డివిజన్లు, 13 రెవెన్యూ మండలాలు కలవు. ఇందులో 12 మండలాలు పుర్వపు వరంగల్ జిల్లాలోనివి కాగా ఒక మండలం పూర్వపు నల్గొండ జిల్లాలోనిది. జిల్లాలో స్టేషన్ ఘన్‌పూర్‌ను కొత్తగా రెవెన్యూ డివిజన్‌గా ఏర్పాటుచేశారు.

భౌగోళికం, సరిహద్దులు
భౌగోళికంగా ఈ జిల్లా రాష్ట్రం మధ్యలో ఉంది. ఈ జిల్లాకు ఉత్తరాన సిద్ధిపేట, కరీంనగర్ జిల్లాలు, తూర్పున వరంగల్ పట్టణ మరియు వరంగల్ గ్రామీణ జిల్లాలు, దక్షిణాన సూర్యాపేట మరియు యాదాద్రి భువనగిరి జిల్లాలు, నైరుతిన యాదాద్రి భువనగిరి జిల్లా, వాయువ్యాన మరియు ఉత్తరాన సిద్ధిపేట జిల్లా సరిహద్దులుగా ఉన్నాయి.

రవాణా సౌకర్యాలు
సికింద్రాబాదు నుంచి కాజీపేట వెళ్ళు రైలుమార్గం మరియు హైదరాబాదు నుంచి వరంగల్ వెళ్ళు ప్రధానరహదారి జిల్లా గుండా వెళ్ళుచున్నది.

జిల్లా ప్రత్యేకతలు
తెలంగాణ సాయుధపోరాటంలో అమరుడైన తొలి యోధుడు దొడ్డి కొమురయ్య, తెలంగాణ రాష్ట్ర తొలి ఉపముఖ్యమంత్రిగా పనిచేసిన తాటికొండ రాజయ్య ఈ జిల్లాకు చెందినవారు.

మండలాలు
  • జనగామ మండలం,
  • లింగాల ఘన్‌పూర్ మండలం,
  • బచ్చన్నపేట మండలం,
  • దేవరుప్పుల మండలం,
  • నర్మెట్ట మండలం,
  • తరిగొప్పుల మండలం,
  • రఘునాథపల్లి మండలం,
  • గుండాల మండలం,
  • స్టేషన్ ఘన్‌పూర్ మండలం,
  • చిల్పూర్ మండలం,
  • జఫర్‌ఘఢ్ మండలం,
  • పాలకుర్తి మండలం,
  • కొడకండ్ల మండలం,

విభాగాలు: తెలంగాణ జిల్లాలు, జనగామ జిల్లా,


 = = = = =


Index


తెలుగులో విజ్ఞానసర్వస్వము
వ్యక్తులు, మండలాలు, నియోజకవర్గాలు, సందర్శనీయ ప్రదేశాలు, నదులు, ప్రాజెక్టులు, దేవాలయాలు, వార్తలు
సమరయోధులు, రచయితలు, రాజకీయ నాయకులు, జిల్లా విభాగాలు, జిల్లా వ్యాసాలు, మండలాలు, నియోజకవర్గాలు, సందర్శనీయ ప్రదేశాలు, నదులు, ప్రాజెక్టులు, దేవాలయాలు, విశ్వవిద్యాలయాలు, రైల్వేస్టేషన్లు, వార్తలు,
సమరయోధులు, రచయితలు, రాజకీయ నాయకులు, జిల్లా విభాగాలు, జిల్లా వ్యాసాలు, మండలాలు, నియోజకవర్గాలు, సందర్శనీయ ప్రదేశాలు, నదులు, ప్రాజెక్టులు, దేవాలయాలు, విశ్వవిద్యాలయాలువార్తలు,
సమరయోధులు, రచయితలు, రాజకీయ నాయకులు, అవార్డు గ్రహీతలు, రాష్ట్రాలు, జిల్లాలు, నగరాలు, సందర్శనీయ ప్రదేశాలు, నదులు, ప్రాజెక్టులు, దేవాలయాలు, రాష్ట్రపతులు, ముఖ్యమంత్రులు-గవర్నర్లు, వార్తలు,
ప్రపంచము,
శాస్త్రవేత్తలు, రచయితలు, దేశాధినేతలు, దేశాలు, నగరాలు, సందర్శనీయ ప్రదేశాలు, నదులు, వార్తలు,
క్రీడలు,  
క్రీడాకారులు, టోర్నమెంట్లు, ఆటలు, వార్తలు,
శాస్త్రాలు,  
భూగోళశాస్త్రము, చరిత్ర, పౌరశాస్త్రము, ఆర్థిక శాస్త్రము, భౌతికశాస్త్రము, రసాయనశాస్త్రము, జీవశాస్త్రము, వృక్షశాస్త్రము, మనస్తత్వశాస్త్రము,
ఇతరాలు,  
జనరల్ నాలెడ్జి, ఉద్యోగ సమాచారం, హాస్యం, చరిత్రలో ఈ రోజు,

      విభాగాలు: 
      ------------ 

      stat coun

      విషయసూచిక